نبوءة قائد الجيش المصري العظيم امنمحات الأول قائد ثورتنا المصرية 4200
بعد ثورتنا الاولى 4200 سنة غيرنا حكومات وحكام لم نكن نطيق اي حاكم اونثق في قدرته على لم شمل مصر والنهوض بها من الفوضى لغاية
ظهور نبوءة امنمحات واللي ذكر انها كتبت في عهد الملك سنفرو بابا الملك خوفو يعني قبل ملكنا العظيم امنمحات بحوالي 800 سنة واسمها نفرتي وجاء فيها انه هيظهر النبي المنتظر ( نبي كلمة اصلها مصري فرعوني ) واسمه واسم مامته والبلد اللي جاء منها باوصاف تنطبق تماما على قائد جيشنا المصري امنمحات
** ومشي المذيع (( المسحراتي حاليا )) يذيع فينا ويطبل طبلة المسحراتي اللي اصله فرعوني ويقول لنا ويعدد الفوضى في البلاد ،، ويسأل فين المخلص اللي هيخلصنا مما نحن فيه وبعدها يبشرنا بأنه آن الاوان لظهور النبي المنتظر المخلص واسمه اميني اللي هو امنمحات ويحكي عن نبوءة نفرتي
بعدها عيونا فتحت على الملك العظيم الفرعون امنمحات اللي حبيناه ووثقنا فيه واشتغلنا معاه شغل الاسود لغايه ماخلصنا من كل مشاكلنا وكمان حققنا حضارة تقاس الان على مستوى العالم بانها اعظم حضارة في العالم من غير ما نستلف من اللي يسوى ومايسواش
لو عايزين تعرفوا ازاي ملكنا العظيم نجح نجاح باهر ؟؟؟؟
*** أول حاجة عملها هو احياء الروح المصرية الوطنية أو القومية اللي رجعت لنا الامل باننا نقدر وفعلا قدرنا لوحدنا بعزيمة المصريين اصحاب الحضارة
** أحيا وطنيتنا المصرية بتدريس تاريخنا المصري وعرفنا امجادنا وازاي احنا شعب عظيم ،، رد لنا ثقتنا في نفسنا وكرامتنا وقيمتنا ،، رمم الاثار وحافظ عليها ،، حتى لغتنا المصرية اللقديمة درسها لنا عشان نعرف نقرا تاريخنا بنفسنا ونعرف أصل الحكاية وكل الرواية وحدوتنا المصرية
عزة سليمان
