بكرة العيد و هنعيد ... وهندبح الشيخ سيد
من كتابي المولد( الأصول التاريخية لديانة مصر الفرعونية و تأثيرها على البشرية )
الصور بتوضح الاله الملك النبي المصري الفرعوني أوزير باساميه / اوزوريس و ( الشيخ سيد ) في هيئة خروف و يسمى في الهيئة دي كمان كبش، و رام ( Ram ) وابرام،
*** لاحظوا في الصورة انه ظاهر كمان في هيئته الخضر / الخدر ( هقولكم ليه ) و ده كان كمان واحد من أشهر اساميه الكتيرة أوي صعب حصرها ( اصله كان بالنسبة لنا و بالنسبة لكل شعوب العالم القديم ، كان كل حاجة في الدنيا و كمان في الاخرة)
***و بالمناسبة هو أول من لقب ب إبراهيم في تاريخ البشرية ومعناه بالفرعوني(ابو الجماهير )
*** وفي الصورة هو في هيئة رام و كبش و أوزير ( أوزوريس ) و كمان الخضر، و قمح مصر، واقف وقفته الكبيرة للحصاد عيده و العيد الكبير لمصر و المصريين.
ومن يوميها و احنا بنغني و لسه هنغني
القمح الليله الليه ليلة عيدة ........................ يارب تبارك و تزيده
يارب تبارك و تزيده
*** و القمح هو امن مصر القومي، هو الامان لسنه قدام ، و عشان كده كان يوم وقفة اله و ملك و نبي مصر اوزير كقمح كانت المعنى الحقيقي للعيد، فلو القمح ما قامش وقف وقفته الكبرى للحصاد بالكمية المطلوبة، فلا معنى للعيد اصلا اللي كان عيد شم النسيم و الوقفة هي اليوم اللي قبله بيسبقه 7 ايام الاستعداد للعيد سميناه اسبوع الالام وكانت الندابات بتمشي في شوارع مصر طول الاسبوع تفتكر ازاي الشرير ست قتل اوخلق بشري في الوجود قتل اخوه اوزير المشهور باوزوريس عشان اتجوز احته الحلوة ايزيس، رغم ان ست اتجوز نفتيس اللي قبلنها نفيسة.
*** نرجع تاني لعيدنا المصري الفرعوني الكبير وليه اوزوير م اوزوريس لابس ماسك خروف
***لان قيامة أوزير ك قمح معناه اننا لازم نحصده يعني نقصه، يعني ندبحه، وده معناه انه هيرجع يموت تاني من جديد، يموت ويتقطع ( يدبح، و يقص، قصاص ) زي موته الأولى من أخوه الشيطان الشرير ست في أول حادثة وذكرى لقتل انسان اتخلق بعد ما اتغاظ ست من جواز أخوه من اخته الحلوة الست ايزيس،،،
*** حصاد القمح كان بيمثل لنا دبح أول ملك على وجه الأرض ( أوزير / اوزوريس/ الشيخ / سيد ) و تقطيعه و قصصته، قصاصه ليبعث و يحيا من جديد،
*** و بالمناسبة احياء الملك الاله النبي اوزير( أوزوريس ) وبعثه من جديد ده اللي كان بخلينا نسميه بالمصري الفرعوني الخضر ( بلون الخضار في بلادنا الفرعونية ) لانه هو ذاته كان بالنسبة لنا زرعنا اللي بيخضر وربه المسئول عنه
و الملك أوزوريس كان رمز لكل ملك مصري، الملك اللي كنا من اكتر من 7000 سنة و لو غضبنا كنا بثور عليه او نقتله و القتل طريقته الوحيدة الدبح
و ده اللي حرمناه من آلاف السنين ان يحصل و استبدلنا دبح الملك حورس بدبح الخروف.
اي ان دبح الخروف
** هو رمزيه بأن الملك أوزير الكبش بدبحه بيفدي ابنه حورس ملك مصر و حارسها.
*** الاله آمين ورث كل مهام واسامي الاله اوزير و اصبح هوو كمان كبش بيفدي ابنه حورس ملك مصر من الدبح
.jpg)
الاله آآآآآآآآآآآمين في صورة كبش بيحمي ملك مصر حورس حارس مصر المحروسة
الاله أمين بينطق كمان آمون و يمين لان حروف ياء و واو حروف تبادلية
آمييين هو اللي كنا بنختم صلاتنا باسمه و هو اللي كنا بنقسم به يمين بلا نكذب
و اخيرا آآآآمين وارث اواصاف اله مصر اوزير ( أوزوريس )
** و عشان الاله اوزير ملك السماء و الارض هو زي ما قلنا في السطور السابقة كنا بنمثل موته و صعوده الى السماء ثم هبوطه على الارض لزراعته كبذرة ميته و يحيا كزرع و قمح مصر،،،
و بما انه كان بيدبح ك كبش اي خروف كنا بنتصور ان الخروف نزل من السما
و دي حكاية صغيرة من تاريخنا ومجدنا و حكاية الالهة اللي بوشوش حيوانات ،، هيئات للاله حسب مهامه و وصفه في حالة معينة واللي ما كناش فهمينها
و ازاي الحكاية و الحكايات منها الاحتفالات بالوشوش و الملابس التنكرية اتنقلت من مصر انتقلت لكل الدنيا
تابعوا باقي حكايتنا، حكاية شعب مصر على صفحتنا
بكرة العيد و هنعيد ... و هندبح الشيخ سيد
من كتابي المولد( الأصول التاريخية لديانة مصر الفرعونية و تأثيرها على البشرية )
كتابي عند مكتبة مدبولي و الانجلو و توصيل
ليست هناك تعليقات:
إرسال تعليق